दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । नेपाल र विदेशमा रहेका नेपाली र भरतपुर महानगरपालिकाबाट ५७ करोड रुपैयाँ चन्दा उठाएर काम नगरेको भन्दै चर्चित कलाकार दम्पती सिताराम कट्टेल र कुञ्जना घिमिरे विरुद्ध अख्तियार दुरुपयोग अनुसन्धान आयोगमा उजुरी परेको छ । सामाजिक सेवाको आवरणमा अनियमितता गरेको आरोपमा धुर्मुस सुन्तली विरुद्ध उजुरी परेको हो ।
भरतपुरका क्रिकेट प्रशिक्षक अनिल अधिकारीले उनीहरुमाथि गौतम बुद्ध अन्तराष्ट्रिय क्रिकेट रंगशाला निर्माणका नाममा चन्दा उठाएर रकम दुरुपयोग गरेको आरोप लगाएका हुन् । सामान्यतयाः सामाजिक संघसंस्थाको आर्थिक कारोवार अख्तियारको क्षेत्राधिकारमा नपरेपनि सार्वजनिक संरचनाको निर्माण, अनि त्यसमा भरतपुर महानगरपालिकाको बजेट समेत विनियोजन भएकाले अख्तियारले यो विषय छानबीन गर्न पाउँने व्यवस्था छ ।
आइतबार दर्ता भएको सी–०२३५०३ नम्बरको उजुरीमा नेपाल र विदेशमा रहेका नेपाली र भरतपुर महानगरपालिकाबाट ५७ करोड रुपैयाँ चन्दा उठाएको तर काम भने नगरेको आरोप छ । १४ प्रतिशत मात्र भौतिक संरचना बनेको भन्दै उजुरीकर्ता अधिकारीले १७ करोड रुपैयाँ थप ऋण छ भनेर दावी गर्नु हाँस्यास्पद भएको बताए ।
दुई अर्ब रुपैयाँको लागत अनुमान गरिएको परियोजनामा रकम उठे अनुरुप काम नभएको भन्दै दुवैजनालाई छानविनको दायरामा ल्याउन माग गरिएको छ । अहिले उनीहरुले परियोजनालाई अलपत्र पारेर हिँडेको भन्दै छानविन समेत गर्न माग छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।