दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । इण्डियन आयल कर्पोरेसन आइओसीबाट पेट्रोलियम पदार्थको मूल्य घटेर आएपछि नेपाल आयल निगमले पनि सोहीअनुसार मूल्य समायोजन गरेको छ। निगमले माघ २ गतेदेखि लागू हुने गरी पेट्रोल, डिजेल र मट्टितेलको मूल्य घटाउने निर्णय गरेको हो।
भारतबाट पेट्रोल प्रतिलिटर ३ रुपैयाँ १९ पैसा र डिजेल प्रतिलिटर १ रुपैयाँ ३७ पैसाले घटेर आएपछि निगम सञ्चालक समितिको बैठकले पेट्रोलमा प्रतिलिटर ३ रुपैयाँ तथा डिजेल र मट्टितेलमा प्रतिलिटर १ रुपैयाँले मूल्य घटाउने निर्णय गरेको निगमले जनाएको छ।
मूल्य समायोजनपछि पेट्रोल पहिलो वर्गमा प्रतिलिटर १५३ रुपैयाँ ५० पैसा, दोस्रो वर्गमा १५५ रुपैयाँ र तेस्रो वर्गमा १५६ रुपैयाँ कायम भएको छ। त्यसैगरी डिजेल र मट्टितेल पहिलो वर्गमा प्रतिलिटर १३३ रुपैयाँ ५० पैसा, दोस्रो वर्गमा १३५ रुपैयाँ र तेस्रो वर्गमा १३६ रुपैयाँ कायम गरिएको छ।
निगमका अनुसार पहिलो वर्गमा चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज पर्छन्। दोस्रो वर्गमा सुर्खेत र दाङ रहेका छन् भने तेस्रो वर्गमा काठमाडौं, पोखरा र दिपायल पर्छन्।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।