विराटनगर । पोखरिया युथ केयर एकेडेमीद्वारा आयोजित युवा केटाकेटीहरूलाई लक्षित गर्दै चित्रकला प्रतियोगिता र सडक दौड प्रतियोगिता सम्पन्न भएको छ ।

चित्रकला जुनियर तर्फ इडेन स्कुलका एरिस तिम्सिना प्रथम , सनसाइन स्कुलका नन्दनी कामत दोस्रो ,तेस्रो प्यारागन स्कुलका सगुन ढकाल विजयी भएका छन । त्यसैगरी सिनियर तर्फ प्रथम ईडेन स्कुलका मेहेक मित्तल, दोस्रो आर्यन्त स्कुलका भुमिका विश्वास , तेस्रो डनवस्को स्कुलका एन्जिला बास्तोला चौथो ज्ञान सारथी विद्यापीठका वर्षा यादव ,पाँचौं एजेलिया स्कुलका उपसना राजवंशी विजय भएका छन् ।

सम्पूर्ण विजेताहरूलाई प्रमुख अतिथी वन तथा पर्यटन मन्त्री माननीय भीम पराजुली बिशिस्ट अतिथी वडा नम्बर १ का वडा अध्यक्ष काजीबहादुर बस्नेत, वडा नं ३ का वडा अध्यक्ष बासु बस्नेत, एन्फाका पुर्व मानार्थ उपाध्यक्ष सन्तोष बानिया, सुभाषिश कोइराला, केदार पोखरेल, हरि बजगाई, ईन्दिरा पराजुली, त्रिवेणी बाचानालय क्लबका तेजराज गिरी, सम्राट स्पोर्टिङ क्लबका कैलाश गौतम, स्थानीय समाजसेवी किरण थापा, आस्मा पोखरेल लगायतले नगद, शिल्ड, प्रमाण पत्र बितरण गरेका थिए ।

प्रतियोगिताको सह-आयोजक रुपमा विराटनगर वडा नं १ कार्यालय र मेडिकल पार्टनरको रुपमा विराट नर्सिंङ होम प्राइभेट लिमिटेड रहेको थियो । सम्पूर्ण ट्राफिक सुरक्षा मोरङ जिल्ला प्रहरी कार्यालयले गरेको थियो ।