कटवाल दिपक

विराटनगर । काठमाडौको जिटी इन्टरनेशनलले विराटनगरका श्रमिकहरुलाइ चरम श्रम शोषण गर्ने गरेको पाइएको छ । काठमाडौमा दर्ता भएर विराटनगर, दुहवी, लहान लगाएतका डिपार्टमेन्ट र हस्पिटलहरुमा सरसफाइ सम्बन्धि काम गर्दै आइरहेको जिटी इन्टरनेशनलले कामदारहरुलाइ महिनौ सम्म तलव दिने गरेको छैन् । विराटनगरको न्युरो हस्पिटलमा काम गरिरहेको जिटी इन्टरनेशनलले हस्पिटल प्रशाषनबाट ५० देखी ६० हजार सम्म एक जना श्रमिकको काम बापतको तलव लिने गरेको छ तर श्रमिकहरुलाइ १२ देखि १३ हजार मात्र दिने गरेको छ ।

महानगरपालिका, तथा वडा कार्यालयमा दर्ता समेत नगरेको जिटी इन्टरनेशनलले विगत एक बर्ष देखी विराटनगरका श्रमिकहरुलाइ श्रम शोषण गरिरहेको छ । जिटीले न त सरकारी मापदण्ड नै पुरा गरेको छ न मापदण्ड अनुसारको तलव सुविधा नै प्रदान गरेको छ । श्रमिकहरुलाइ ३० प्रतिशत भन्दा थोरै रकम दिएर चरम श्रम शोषण गरिरहेको छ । कामदारहरुलाइ काम लगाएको तिन महिना सम्मको रकम समेत दिने गरेको छैन्

काम गरेको तिन महिना सम्मको रकम नपाएको गरिमा खड्काले बताइन । जिटी इन्टरनेशनलले हस्पिटल प्रशाषनबाट ५० देखी ६० हजार एक जना श्रमिकको लिने गरेको छ, तर हामिले पाउनु पर्ने रकम पाएका छैनौ, ३० प्रतिशत तलव मात्र दिने गरेको छ , यो सरासर श्रम शोषण हो उनले बताइन । त्यसै गरि अम्विका राजवंशी आफुले खाइ नखाइ दैनिक १० घण्टा काम गरेर कमाएको पैसा आफुले १२ हजार मात्र पाउने गरेको गुनासो सुनाउँछिन् , तर आफुले गरेको कामको तलब हस्पिटलबाट ५० हजार लिएर आफुलाइ श्रम शोषण गरिरहेको उनको भनाइ छ । विराटनगरका नवराज काफ्ले आफुले काम गरेको रकम नपाएको गुनासो सुनाउँछन ।

गरिमा खड्का , अम्बिका राजवंशी , नवराज काफ्ले जिटी इन्टरनेशनलले श्रम शोषण गरेका केहि उदाहरण मात्र हुन् । प्रदेश १ का विभिन्न ठाउँमा सरसफाइ सम्बन्धि काम गर्दै आइरहेको जिटी इन्टरनेशनलले यस्ता धैरै व्याक्तिहरुलाइ श्रम शोषण गर्दै आइरहेको छ ।