दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर।मलेसियाका गृहमन्त्री फुद्दिन नासुसन इजमाइलले मलेसिया जाने कामदारको स्वास्थ्य जाँच गर्ने स्वास्थ्य परीक्षण केन्द्र अनुगमन गरेका छन् ।
श्रम, रोजगार तथा सामाजिक सुरक्षामन्त्री डोलप्रसाद अर्यालको नेतृत्वसँग बैठक सकेपछि गृहमन्त्री टोलीले सिनामंगलस्थित अनमोल मेडिकल सेन्टरको अनुगमन गरेको हो । उक्त सेन्टरसहित ३६ वटा स्वास्थ्य परीक्षण केन्द्र मलेसिया सरकारको विदेशी कामदार केन्द्रीय व्यवस्थापन प्रणाली एफडब्लुसिएमएस०सँग जोडिएको प्रणाली हो ।
मलेसियामा पुगेपछि मेडिकल अनफिट हुनेको संख्या बढेको भन्दै मलेसियाले स्वास्थ्य मापदण्ड बनाई २०१४ देखि स्वास्थ्य परीक्षणमा कडाइ गर्दै आएको हो । स्वास्थ्य परीक्षण पास भएको रिपोर्टलाई सिधै मलेसियाको गृह मन्त्रालयले अपलोड गरेपछि मात्रै भिसा जारी हुने प्रावधान छ ।
नेपाल र मलेसियाबीच २०७५ कात्तिकमा श्रम सम्झौतापछि दुई देशका गृह, श्रम, परराष्ट्र र कानुन मन्त्रालयका उच्च अधिकारीहरू संलग्न दोश्रो संयुक्त प्राविधिक बैठकले नेपालमा कामदारले स्वास्थ्य परीक्षण गर्न लागेको खर्च मलेसिया पुगेपछि पहिलो महिनामा रोजगारदाताले सोधभर्ना दिने निर्णय गरेको थियो ।
जस अनुसार नेपालमा स्वास्थ्य परीक्षण हुँदै आएको छ । त्यसअघि स्वास्थ्य परीक्षणको खर्च कामदार आफैंले गर्नुपर्थ्यो । स्वास्थ्य परीक्षणको क्रममा सुरक्षा जाँच फिङ्गरिङ पनि हुँदै आएको छ । यसले मलेसिया गएर फर्केका कामदार गृह मन्त्रालयको कालोसूचीमा रहेको वा नरहेको पहिचान गर्नेछ । मलेसियाले डिपोर्ट गरी पठाएका कामदार पुनस् मलेसिया जान पाउँदैनन् ।
शुक्रबार अनुगमनपछि मलेसियाका गृहमन्त्री इजमाइलले गुणस्तरीय स्वास्थ्य परीक्षणमा आफ्नो मन्त्रालयलले जोड दिएको बताए । गृह मन्त्रालयले आवश्यकका अनुसार स्वास्थ्य परीक्षण केन्द्रको अनुगमन गर्न टोली पठाउने पनि उनको भनाइ छ । नेपाल स्वास्थ्य व्यवसायी महासंघका अध्यक्ष कैलास खड्काले गृहमन्त्री इजमाइललाई अनमोल सेन्टरमा स्वागत गर्दै कामदारको गुणस्तरीय स्वास्थ्य परीक्षण गर्न मलेसियाका स्वास्थ्य मापदण्डलाई पूर्ण रुपमा पालना गरेको बताएका थिए ।
वैदेशिक रोजगारमा जाने कामदारको स्वास्थ्य परीक्षण गर्न अनुमति दिएको संस्थामध्येबाट गन्तब्य देशहरुले कामदारको स्वास्थय परीक्षण गराउँदै आएका छन् । जसअनुसार मलेसियाले ३६, खाडी देशहरुका स्वास्थ्य संगठन गल्फ कोअपरेसन काउन्सिल गाम्काले साउदी, बहराइन, युएई, ओमनका लागि १२ र कतारले एउटाबाट मात्रै स्वास्थ्य परीक्षण गर्दै आएका छन् ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।