दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । काभ्रेको बनेपा नगरपालिका वडा नं २ स्थित सिक्रे, घिमिरे गाउँमा आगलागी हुँदा २ वटा घर जलेर नष्ट भएको छ । फागुन ७ गते राति करिब ११ बजे स्थानीय दिपक घिमिरे र दिनेश घिमिरेको घरमा आगलागी भइ पूर्ण रुपमा क्षति भएको इलाका प्रहरी कार्यालय बनेपाले जनाएको छ ।
आगलागीबाट कुनै मानवीय क्षति नभएको इलाका प्रहरी कार्यालय बनेपाका प्रमुख प्रहरी नायब उपरीक्षक रेशम बोहराले जानकारी दिए । उनका अनुसार स्थानीय, जनप्रतिनिधि, प्रहरी र बनेपा र धुलिखेल नगरपालिकाको दमकलको सहयोगमा आगलागी नियन्त्रणमा आएको हो । रातिको ११ बजेबाट सुरु भएको आगो बिहानको २ बजे नियन्त्रणमा आएको प्रहरी नायब उपरीक्षक बोहराले बताए ।
घरमा भएका अन्न गहुँ, धान, मकै, तोरी, कृषि औजार, भुस्सा काट्ने मेसिन, कुटानी पिसानी मेसिन, ट्याक्टर लगायत सामग्री जलेर नष्ट भएको घरधनी दिपक घिमिरेले बताए । उनका अनुसार विधुतीय लाइन सर्ट भएर आगलागी भएको हुनसक्ने आकलन गरिएको छ । माथिल्लो तलाबाट आगलागी भएको भएर मानवीय हुन नपाएको उनले बताए ।
घटनाबारे अनुसन्धान भइरहेको र यसको कारण र क्षतिको यकिन विवरण आउन बाँकी रहेको इलाका प्रहरी कार्यालय बनेपाका प्रमुख बोहराले बताए । आगलागी भएको स्थल र पीडित परिवारको अवस्था बुझ्न बनेपा नगरपालिकाका प्रमुख शान्ति रत्न शाक्य र उप(प्रमुख बिमला सापकोटा दाहाल सोमबार बिहान घटनास्थल पुगेका थिए ।
घटनास्थल पुगेर बनेपा नगरपालिकाकी उपप्रमुख बिमला सापकोटा दाहालले नगरको कार्यविधि अनुसार पीडित परिवारलाई राहतको लागि १० हजार रुपैयाँ तत्कालै प्रदान गराइने बताएकी छन् ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।