विराटनगर । १३ औं संस्करणको प्याब्सन स्पोट्र्स मिट अन्र्तगत सद्भाव र्याली सम्पन्न भएको छ । आज विराटनगको शहिद रंगशालाबाट सुरु भएको र्याली संसारीमाई स्थानमा गएर सम्पन्न भएको थियो । जनसमुदायमा प्याब्सनले राम्रो काम गरिरहेको छ भन्ने संन्देश दिन र्यालीको आयोजना गरिएको प्याब्सन मोरङका अध्यक्ष प्रेम लालसिंह सुवालले बताए ।

आज भएको प्याब्सन प्रेसिडेन्ट कप यू– १५ फुटबल प्रतियोगितामा ८ वटा स्कुल क्वाटरफाइनलमा पुगेका छन् । विराटनगरको जुट मिल र डिग्री क्याम्पसको खेलमैदानमा भएको खेलमा विराटनगरको सेन्टजोसेफ, बेलबारीको शिक्षा सन्देश, ग्यालेक्सी, अन्नपूर्ण, हरैचा मोडल, बेलबारीको भुपु सैनिक, सुनगाभा र पथरीको सिंहदेवी स्कुलले क्वाटरफाइनलमा स्थान बनाएका हुन् ।

विराटनगर जुट मिलको खेलमैदानमा भएको पहिला खेलमा ग्रामथान गाउँपालिकामा रहेको जनक मेमोरियल स्कुललाई सडन डेथमा १३–१२ गोलले हराउँदै विराटनगरको सेन्टजोसेफ स्कुल अन्तिम आठमा पुगेको छ । यसैगरी रतुवामाइको मुनाल आदर्श स्कुललाई ३–० गोलले निराश बनाउँदै बेलबारीको शिक्षा सन्देश स्कुल विजय भएको छ ।

तेस्रो खेलमा पथरीको एभरेष्ट स्कुललाई १–० गोलले हराउँदै विराटनगरको ग्यालेक्सी स्कुल अन्तिम आठमा पुगेको छ । चौथो खेलमा उर्लाबारीको विद्या ज्योती स्कुललाई २–० गोलले हराउँदै पथरीको अन्नपूर्ण स्कुल अन्तिम आठमा पुगेको छ ।

यसैगरी डिग्री क्याम्पसको खेलमैदानमा भएको पहिलो खेलमा हरैँचा मोडल स्कुलले विराटनगरको सगरमाथा स्कुलललाई १–० गोलले हरायो । दोस्रो खेलमा बेलबारीको भुपु सैनिक स्कुलले सुन्दर हरैँचाले सिद्धार्थ स्कुललाई टाइब्रेरकमा ३–२ गोल अन्तरले पराजित गर्यो । यस्तै तेस्रो खेलमा उर्लाबारीको सुनगाभा बोर्डिङ स्कुलले पशुपति आवसीय विद्यालयलाई टाइब्रेरकमा ४–३ गोलले हरायो ।

चौथो खेलमा पथरीको सिंहदेवी स्कुलले बेलबारीको बालमिकी स्कुललाई १–० गोलले हराउँदै अन्तिम आठमा स्थान सुरक्षित गरेको छ ।

निजी तथा आवासीय विद्यालय अर्गनाइजेशन नेपाल मोरङको आयोजनामा विराटनगरमा भोलिदेखि प्याब्सन स्पोट्र्स मिट औपचारिक रूपमा सुरु हुनेछ । तीनदिन सम्म संचालन हुने स्पोर्टस् मिटमा विभिन्न खेलहरू समावेश गरिएको मोरङ प्याब्सनका कोषाध्यक्ष विष्णु डङ्गोलले जानकारी दिए ।