विराटनगरमा २ मा अवस्थित बुढानिलकण्ठ स्कुलले दुईदिने ‘फन फेस्टा’ कार्यक्रम सम्पन्न गरेको छ । विराटनगर २ स्थित स्कुल प्राङगणमा हिजो शुक्रबार र आज शनिबार ‘फन फेस्टा’ कार्यक्रमको आयोजना गरिएके थियो ।

फेस्टामा विद्यार्थीहरूले आफैँ तयार पारेका विभिन्न हस्तकलाका सामग्री, विज्ञान प्रदर्शनी र खाद्य स्टलहरू प्रदर्शनमा राखिएका थिए । यसका साथै फेस पेन्टिङ र सातवटा फरक फरक ‘गेम जोन’ हरू मेलाका मुख्य आकर्षण रहेका छन्। दुई दिन सम्म संचालित कार्यक्रममा विद्यार्थीहरूले आकर्षक सांस्कृतिक नृत्य , गायन लगायतकाप्रस्तुतीहरु प्रस्तुत गरेका थिए ।

कार्यक्रमका बारेमा जानकारी दिँदै स्कुलका प्रिन्सिपल मणिराज भट्टराईले विद्यार्थीहरूको लुकेको प्रतिभा प्रस्फुटन गराउन मेला आयोजना गरिएको बताए ।
मेलामा एक दर्जनभन्दा बढी स्टलहरू रहेका छन्।’

पहिलो लिनको कार्यक्रमको प्रमुख अतिथीका रुपमा जिल्ला शिक्षा समन्वय एकाइ मोरङका प्रमुख शालिग्राम दाहाल रहेका थिए भने दोस्रो दिनको कार्यक्रमको प्रमुख अतिथीका रुपमा पुर्वाञ ्चल विश्वविद्यालय सेवा आयोगका प्रमुख प्रोफेसर डा देवेन्द्र राज अधिकारी रहेका थिए ।

हाल विद्यालयमा कुल १ हजार ५ सय विद्यार्थी अध्ययनरत रहेका छन् । दुई चरणमा गरिएको कार्यक्रममा पहिलो दिन नर्सरीदेखि कक्षा ४ सम्मका विद्यार्थी र उनीहरूका अभिभावकहरूको कार्यक्रम गरिएको थियो भने दोस्रो चरणको कार्यक्रममा कक्षा ५ देखी १० सम्मका विद्यार्थी तथा अभिभावकहरुको उपस्थिती रहेको थियो ।

कार्यक्रममा हिसान केन्द्रिय सचिव बलराम पन्त, मोरङ प्याव्सन अध्यक्ष जगत बस्नेत लगायत शैक्षिक व्यक्तित्वहरुको उपस्थिती रहेको थियो ।