विराटनगर । विराटनगर १० मा अवस्थित कान्तिपुर स्कुलले आफ्नो ११ औं वार्षिकोत्सव तथा अभिभावक दिवसको आज दोस्रो दिन पनि विविध कार्यक्रमका साथ मनाएको छ ।

स्कुल परिसरमा हिजोदेखि सुरु भएको तीनदिने उत्सवको उद्घाटन विराटनगर महानगरपालिकाका प्रमुख नागेश कोइरालाले गरेका थिए । त्यसैगरी कार्यक्रमको आज दोस्रो दिनको प्रमुख अतिथिका रुपमा जिल्ला शिक्षा विकास तथा समन्वय इकाइ मोरङका प्रमुख शालीग्राम दाहाल रहेका थिए ।

प्रमुख अतिथि दाहालले छोटो समयमा स्कुलले धेरै कुरामा फट्को मारेका बताएका छन्, । दाहालले विद्यालयहरूले विद्यार्थीलाई प्रविधिसँगै सीप र संस्कारयुक्त शिक्षा दिनु पर्ने बताए ।

कान्तिपुरका प्रिन्सिपल भुवन नेपालले विद्यालयले विज्ञान र प्रविधि शिक्षासँगै संस्कारलाई प्राथमिकता दिएकै अहिले कोशी प्रदेशको उत्कृष्ट स्कुल रहेको बताए । प्रिन्सिपल नेपालका अनुसार तीनदिने उत्सवको पहिलो दिन हिजो नर्सरीदेखि कक्षा ३ सम्मका विद्यार्थीले आ–आफ्नो प्रतिभा प्रस्तुत गरेका थिए ।

कार्यक्रमको दोस्रो दिन आज कक्षा ४ देखि १० सम्मका विद्यार्थीहरूको प्रस्तुति दिएका थिए । भाली अन्तिम दिन कक्षा १२ मा अध्ययनरत विद्यार्थीहरूलाई बिदाइ गर्दै वार्षिकोत्सवको समापन गरिने स्कुलले जनाएको छ ।

कार्यक्रममा प्याब्सन मोरङका वरिष्ठ उपाध्यक्ष मोहन बुढाथोकी र विराटनगर महानगरपालिका–१० का वडाध्यक्ष अर्जुन गिरीले शुभकामना मन्तव्य राख्दै कान्तिपुर स्कुलले शैक्षिक क्षेत्रमा पुर्‍याएको योगदानको चर्चा गरे ।

सो अवसरमा विद्यार्थीहरूले आकर्षक नृत्य तथा गायन प्रस्तुत गरी अभिभावक तथा सहभागीहरूलाई भरपुर मनोरञ्जन प्रदान गरेका थिए ।