दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
काठमाण्डौं, १ चैत । अन्तर्राष्ट्रिय फिल्मको दोस्रो ठूलो बक्सअफिस बजार मानिने चीनमा केही वर्षयता बलिउड फिल्मले राम्रो उपस्थिति जनाएको छ । ७० हजारभन्दा बढी स्क्रिन रहेको चीनमा कुनै पनि फिल्मले प्रदर्शनको पहिलो दिन सय करोडभन्दा बढी कमाउन सक्छ ।
हलिउडपछि भारतीय फिल्मले चिनियाँ बजारमा आफ्नो बलियो पकड बनाउँदै आएको छ । तर नेपाली फिल्म चीनका हलमा रिलिज गर्नु एउटा चुनौतीको विषय हो । गत वर्ष निर्देशक दिपेन्द्र के. खनालले फिल्म ‘आमा’ लाई चीनमा रिलिजका लागि पहल गर्ने बताएका थिए । तर, त्यहाँ कसरी फिल्म गर्ने भनेर मेलोमेसो नपाउँदा उनी अगाडि बढ्न सकेनन् ।
यस्तैमा, आउँदो चैत २७ गतेबाट प्रदर्शनमा आउन लागेको मल्टीस्टारर फिल्म ‘लप्पन छप्पन २’ लाई चीनका सिनेमा हलमा रिलिजको प्रयास गरिने भएको छ । यसका लागि निर्माण टिमले चिनियाँ भाषामा फिल्मलाई डब गर्दैछ ।
फिल्मको चीन रिलिज अधिकार शान्त शर्माले लिएका छन् । चीनका थिएटरमा फिल्म रिलिजको प्रयास भइरहेको निर्देशक मुकुद भट्टले जानकारी दिए ।
‘अहिले डब गर्न भाषालाई ट्रान्सलेट गर्ने काम भइरहेको छ । त्यसपछि डबिङ गरेर चीनमा रिलिजका लागि प्रयास गरिनेछ । चिनियाँ भाषाहरु बोलिने अन्य देशमा पनि फिल्म रिलिज गर्ने कुराहरु भइरहेको छ,’ निर्देशक भट्टले भने ।
सिनेमा हलमा सम्भव नभए ओटीटीमा रिलिज गरिने उनले बताए । फिल्मको मुम्बईमा हिन्दी, तमिल, तेलुगू र भोजपुरी भाषामा पनि डब भइरहेको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।