दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर, ९ चैत । नेपाली राष्ट्रिय फुटबल टोलीका प्रशिक्षक बालगोपाल महर्जनले त्रिदेशीय अन्तर्राष्ट्रिय फुटबल प्रतियोगिताको उपाधि जित्ने लक्ष्यसहित नेपाली टिम मैदानमा उत्रिने बताएका छन् ।
कीर्गिस्तानको यु २३ र बङ्गलादेशको राष्ट्रिय टिम सम्मिलित प्रतियोगिता मङ्गलबार दशरथ रङ्गशालामा सुरु हुँदैछ ।
विश्वकप छनोटअन्तर्गत दशरथ रङ्गशालामा नेपालले अस्ट्रेलिया, चाइनिज ताइपेई र जोर्डनबीचको खेल खेल्न नपाउने भएपछि एन्फाले घरेलु दर्शकका लागि थ्री नेशन्स कपको आयोजना गर्न लागेको हो ।
श्रृखंलाको पूर्वसन्ध्यामा आयोजित पत्रकार सम्मेलनमा नेपाली राष्ट्रिय टिमका उपकप्तान रोहित चन्दले दशरथ रङगशालामा लामो समयपछि खेल्न लागेकाले पनि आफ्नो टिमका खेलाडीहरु उत्साहित र राम्रो गर्न प्रेरित बनेको बताए ।
नेपाली टिमका कप्तान किरण चेम्जोङ अहिले व्यवसायिक फुटबल खेल्न भारतमा रहेकाले प्रशिक्षक महर्जनसहित रोहित प्रतियोगिताको पूर्वसन्ध्यामा गरिएको पत्रकार सम्मेलनमा उपस्थित भएका हुन् । कप्तान तथा गोलरक्षक किरण सोमबार राति नेपाल आइपुग्ने जानकारी प्रशिक्षक महर्जनले दिएका छन् ।
प्रशिक्षक महर्जनले विश्वकप छनोटका लागि आफ्नो टिम गत तीन महिनादेखि निरन्तर अभ्यासमा रहेको हुँदा यस प्रतियोगितामा राम्रो प्रदर्शन गर्ने विश्वास व्यक्त गरे ।
उनले भने, ‘हामी शतप्रतिशत दिएर खेल्नेछौँ, राम्रो खेलेपछि उपाधि जितको नतिजा पनि आफ्नो पक्षमा आउनेछ ।’
प्रतियोगिताअन्तर्गत पहिलो खेलमा मङ्गलबार दुई पाहुना टोली बङ्गलादेश र कीर्गिस्ताबीच भिडन्त हुनेछ ।
नेपालले आफ्नोपहिलो खेल बिहीबार किर्गिस्तानविरुद्ध खेल्नेछ । नेपालले आफ्नो दोस्रो खेलमा चैत १४ गते बङ्गलादेशको सामना गर्नेछ । लिग चरणमा तीन खेलपछि शीर्ष दुई स्थानमा रहने टिमबीच चैत १६ गते उपाधि भिडन्त हुनेछ । यी सबै खेल साँझ ५.३० मा सुरु हुनेछन् ।
कीर्गिस्तान ओलम्पिक टोलीसहित नेपाल आएको छ । कीर्गिस्तानका प्रशिक्षक झोल्डोसोब नुर्वेकले यु २३ टिम भए पनि यो राष्ट्रिय टोली सरह नै भएकाे बताए ।
कीर्गिस्तानको टोलीमा राष्ट्रिय टिमका दुई सिनियर खेलाडी पनि छन् । प्रशिक्षक नुर्वेकले प्रतियोगिताका लागि राम्रो तयारी गर्न नसके पनि नेपालमा राम्रो फुटबल खेल्ने बताए ।
यो युवा खेलाडीका लागि अवसर पनि हो, विशेषरुपमा आयोजक नेपालसँग खेल्न कठिन हुनेछ तर हामी शतप्रतिशित दिएर राम्रो नतिजा ल्याउन प्रयास गर्नेछौँ– प्रशिक्षक नुर्वेकको भनाइ छ ।
पाँच महिनाअघि नेपालले बङ्गलादेशमा दुई अन्तर्राष्ट्रिय मैत्री खेल खेलेको थियो । जसमध्ये पहिलो खेलमा नेपाल २–० ले पराजित भएको थियो भने दोस्रो खेल बराबरीमा टुङ्गिएको थियो ।
नेपालका प्रशिक्षक महर्जनले अहिले नेपाली टोली धेरै फरक भइसकेको बताए ।
सो समय कोरोनाका कारण नेपालको तयारी पनि कमजोर थियो भने टिम युवा थियो । बङ्गलादेशविरुद्ध मैत्री खेल्न बोलाइएका खेलाडीमध्ये पहिलो रोजाईका सात खेलाडी कोरोना संक्रमित देखिएपछि पनि नेपाली टिममा संकट थपिएको थियो । यीमध्ये सबै खेलाडी पहिलो रोजाईका खेलाडी हुन् ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।