दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । विराटनगर १ भट्टाचोकमा एक करोडको लगानीमा ‘फेन्डस् चिया गफ’ सञ्चालनमा आउने भएको छ । तिन युवा व्यवसायी निमेष शर्मा, बिनुबा पाण्डे र डा. सिखा रिजालको टिमले फेन्डस् चिया गफ’ सञ्चालनमा ल्याउन लागेका हुन् । साथी चिया गफ चिया खाजा खाने ठाउँमात्र नभएर युवा र व्यवसायीहरुका योजना साटासाट गर्ने ठाउँका रुपमा समेत रहनेछ ।
तीन युवा व्यवसायीहरुले सञ्चालनमा ल्याउन लागेको ‘फेन्डस् चिया गफ’ आधुनिक क्याफे वा होटलहरु जस्तो नभएर ग्रामिण परिवेशको चित्रण रहनेछ । पारिवारिक वातावरणमा चिया , खाजा र गफ गर्ने ठाउका रुपमा ‘फेन्डस् चिया गफ’ सञ्चालनमा आउन लागेको हो । सामान्य व्यक्तीहरुले थोरै रकममा समेत खाजा खान सकुन भनेर व्यावसाय संगै सेवालाइ समेत उक्त क्याफेले प्राथमिकतामा राखेको छ ।
‘फेन्डस् चिया गफ’ले कला, साहित्य र संगितलाइ समेत प्राथमिकता दिएको छ । हरेक महिनाको एकपटक चिया संग कविता कार्यक्रमको समेत आयोजना गर्ने सञ्चालक निमेष शर्माले बताए । साहित्य संगै विभिन्न किसिमका चित्रकला प्रर्दशन साथै हरेक हप्ता नेपाली सांगितिक साँझहरु समेत आयोजना हुने भएको छ ।
‛आउनुहोस चिया पिउनुहोस् र विचार आदनप्रदान गर्नुस’ भन्ने उदेश्यका साथ युवा व्यवसायीहरुले चैत्र १५ गते सम्ममा ‘फेन्डस् चिया गफ’ संञ्चालनमा ल्याउने तयारि गरिरहेका छन् । निमार्णका क्रममा रहेको उक्त क्याफे अहिलेसम्म ७० प्रतिशत निमार्ण कार्य सम्पन्न भएको शर्माले बताए ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।