दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । सुनसरीको इटहरीमा प्रतिबन्धित लागुऔषध खैरो हेरोइनसहित दुई जना पक्राउ परेका छन् ।
पक्राउ पर्नेमा इटहरी उपमहानगरपालिका–१६ का ३१ वर्षीय सुजन भन्ने बालकृष्ण घिमिरे र सोही उपमहानगरपालिका–८ का २३ वर्षीय प्रिवेष पौडेल छन् ।
उनीहरू दुवैलाई इटहरी उपमहानगरपालिका–१६ बाट आइतबार पक्राउ गरिएकाे कोशी प्रदेश प्रहरी कार्यालयले जनाएको छ ।
खैरो हेरोइनको खरिद–बिक्री भइरहेको गोप्य सूचनाका आधारमा प्रदेश प्रहरी कार्यालय, विराटनगरको प्रादेशिक अनुसन्धान समूह (पीआईटी) र इलाका प्रहरी कार्यालय, इटहरीबाट संयुक्त रूपमा खटिएको प्रहरी टोलीले उनीहरूलाई पक्राउ गरेको हो ।
प्रहरीका अनुसार प्रदेश १–०२–०४७ प. १९५३ नम्बरको मोटरसाइकलमा सवार घिमिरेलाई चेकजाँच गर्ने क्रममा उनले चुरोटको बट्टामा लुकाएर राखेको अवस्थामा ४ ग्राम ७७० मिलिग्राम खैरो हेरोइन बरामद भएको थियो । थप खानतलासका क्रममा उनकाे घरमा लुकाएर राखेको थप ३ ग्रामसमेत गरी ७ ग्राम ७७० मिलिग्राम खैरो हेरोइन बरामद भएको हाे ।
यस्तै सोही घटनामा संलग्न पाइएपछि पौडेललाई समेत नियन्त्रणमा लिएर आवश्यक अनुसन्धान भइरहेको इलाका प्रहरी कार्यालय, इटहरीले जनाएको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।