दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । विराटनगरमा होटेलकाे काेठामा झुन्डिएको अवस्थामा बैंकका कर्मचारी मृत भेटिएका छन् । सिटिजन्स बैंकमा कार्यरत सहायकस्तरका कर्मचारी ३९ वर्षीय क्षितिज घिमिरे विराटनगर महानगरपालिका-९, कलेज रोडस्थित होटेल रोयल किचेनमा मृत भेटिएका हुन् ।
मंगलबार बिहान होटेलको कोठा नं. १०९ मा भित्रबाट ढोका बन्द गरेर झुन्डिएको अवस्थामा उनको शव फेला परेको जिल्ला प्रहरी कार्यालय, मोरङका प्रवक्ता प्रहरी नायब उपरीक्षक (डीएसपी) रञ्जनकुमार दाहालले जानकारी दिए । उनका अनुसार मृतक घिमिरे विराटनगरकै स्थानीय रहेको बुझिएको छ ।
‘प्रारम्भिक अनुसन्धानमा उहाँले झुन्डिएर आत्महत्या गरेजस्तो देखिन्छ । हामी थप अनुसन्धान गरिरहेका छौं,’ डीएसपी दाहालले राष्ट्रिय डेलीसँग भने ।
प्रहरीले घटनास्थल पुगेर कानुनी प्रक्रिया पूरा गरी मृतक घिमिरेको शव पोष्टमर्टमका लागि कोशी अस्पताल ल्याएको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।