दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । विराटनगरबाट काठमाडौंका लागि उडेको कोशी प्रदेशका मुख्यमन्त्री केदार कार्की सवार यती एयरको जहाज ६ घण्टापछि त्रिभुवन अन्तर्राष्ट्रिय विमानस्थलमा अवतरण भएको छ ।
विराटनगरबाट बिहीबार बिहान ७ः४५ बजे काठमाडौं उडेको ९एन एएमएन कलसाइनको जहाज प्रतिकूल मौसमका कारण काठमाडौंको आकाशमा ‘भिजिबिलिटी’ कम हुन पुग्दा ‘डाइभर्ट’ गर्नु परेकाले ६ घण्टापछि गन्तव्यमा अवतरण भएको हो ।
पहिलो प्रयासमा जहाज काठमाडौंमा अवतरण हुन नसकेपछि धनुषाको जनकपुर ‘डाइभर्ट’ गरिएको थियो ।
जनकपुर विमानस्थलमा झण्डै डेढ घण्टा रोकिएर पुनः १०ः१५ बजे काठमाडौंका लागि उडेको जहाज त्यसपछि पनि मौसममा सुधार नदेखिएपछि बाराको सिमरा विमानस्थलमा अवतरण गरेको जहाजमा सवार पत्रकार मीनकुमार नवोदितले बताए ।
उनका अनुसार पहिलो पटक काठमाडौंको आकाशमा पुगेपछि मौसम खराब भएको भन्दै जहाजले ८-९ पटक फन्को मारेको थियो । तर, त्यहाँ मौसममा सुधार नभएपछि जहाज जनकपुर गएको थियो ।
जनकपुरबाट उडेर पुनः काठमाडौंको आकाशमा पुगेको जहाज दोस्रो प्रयासमा पनि अवतरण हुन नसक्दा सिमरा विमानस्थल ‘डाइभर्ट’ भएको हो ।
सिमरा विमानस्थलबाट काठमाडौं उडेको जहाज विराटनगरबाट उडेपछिको तेस्रो प्रयासमा त्रिभुवन अन्तर्राष्ट्रिय विमानस्थलमा अवतरण गर्न सफल भएको हो । पत्रकार नवोदितले जहाजलाई काठमाडौं अवतरण गर्न ६ घण्टा लागेको बताए ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।