विराटनगर । प्रतिनिधि सभा सदस्य निर्वाचन २०८२ अन्तर्गत मोरङ जिल्लामा ६४.५६ प्रतिशत मत खसेको छ । निर्वाचन कार्यालयले उपलब्ध गराएको तथ्याङ्क अनुसार जिल्लाभरका सबै ६ वटा निर्वाचन क्षेत्रमा मतदान प्रक्रिया उत्साहजनक रूपमा अघि बढि ६४.५६ प्रतिशत मत खसेको छ।

निर्वाचन कार्यालयको विवरण अनुसार मोरङ क्षेत्र नम्बर ५ मा सबैभन्दा बढी ७१. २८ प्रतिशत मत खसेको छ। अन्य क्षेत्रहरूको अवस्था हेर्दा क्षेत्र नम्बर १ मा ६०.३६ प्रतिशत, क्षेत्र नम्बर २ मा ६२.९७ प्रतिशत, क्षेत्र नम्बर ३ मा ६१.१७ प्रतिशत, क्षेत्र नम्बर ४ मा ६७.१५ प्रतिशत र क्षेत्र नम्बर ६ मा ६६.२३ प्रतिशत मतदान भएको छ।

जिल्लाभरका कुल ८८८ मतदान केन्द्रहरूमा ७ लाख ७३ हजार ५० जना मतदाताले आफ्नो मताधिकार प्रयोग गरेका छन्। जसमा २ लाख ४३ हजार ३ सय १६ पुरुष र २ लाख ६२ हजार १ सय ९६ जना महिला मतदाता रहेका छन्। र अन्य २ जना मतदाताले मतदान गरेका थिए । बिहानको तुलनामा दिउँसो मतदाताको उपस्थिति निकै बाक्लो देखिएको थियो।

प्रतिनिधि सभाका २७५ सिटका लागि देशभर भइरहेको यस निर्वाचनमा मोरङका ६ वटा निर्वाचन क्षेत्रलाई निकै महत्त्वका साथ हेरिएको छ।  मतदाताहरु मतदान गर्न पाउदा उत्साहित भएर मतदान गरेको बताएका छन् ।