दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । प्रतिनिधिसभा सदस्य निर्वाचनअन्तर्गत मोरङका निर्वाचन क्षेत्र नम्बर ४ र ६ को अन्तिम मतपरिणाम सार्वजनिक भएको छ । शुक्रबार राति मोरङ–४ र शनिबार बिहान मोरङ–६ को मतगणनाको अन्तिम नतिजा घोषणा गरिएको हो ।
दुवै क्षेत्रमा राष्ट्रिय स्वतन्त्र पार्टी रास्वपाका उम्मेदवार विजयी भएका छन् । मोरङ–४ बाट रास्वपाका सन्तोष राजवंशी ४० हजार ८३३ मतसहित निर्वाचित भएका छन् भने मोरङ–६ बाट रास्वपाकी रुविना आचार्य ५५ हजार ५१३ मतसहित विजयी भएकी छन् ।
मोरङ–४ मा नेपाली कांग्रेसका महामन्त्री गुरुराज घिमिरे पराजित भएका छन् । उनले १२ हजार ८१८ मत प्राप्त गरेका छन् । तेस्रो स्थानमा रहेका नेकपाका अमनलाल मोदीले १० हजार ७६२ मत पाए । कांग्रेसका घिमिरे र नेकपाका मोदीले भने जमानत जोगाएका छन् ।
यस क्षेत्रमा नेकपा एमालेका केन्द्रीय सदस्य जीवन घिमिरे ६ हजार ९३३ मतमा सीमित भएपछि जमानत जोगाउन सकेनन् । एमालेका घिमिरे, राष्ट्रिय प्रजातन्त्र पार्टीका माधव आचार्यसहित १६ जना उम्मेदवारको जमानत जफत भएको छ ।
यस्तै मोरङ–६ मा रास्वपाकी रुविना आचार्यसँग नेपाली कांग्रेसका नेता डा. शेखर कोइराला पराजित भएका छन् । कोइरालाले १२ हजार ८५० मत प्राप्त गरे पनि जमानत भने जोगाएका छन् ।
तेस्रो स्थानमा रहेका एमालेका विनोद ढकालले ८ हजार ३१७ मत पाए पनि जमानत जोगाउन सकेनन् । नेकपाका ओपेन्द्र रायसहित १५ जना उम्मेदवारको जमानत जफत भएको छ । राय १ हजार ७१६ मतमै सीमित भएका थिए ।
मोरङ–६ मा कुल ८९ हजार ८४७ मत खसेको थियो । तीमध्ये ८५ हजार २३३ मत सदर हुँदा ४ हजार ६१६ मत बदर भएको छ । यस क्षेत्रमा पनि बदर मतको संख्या उल्लेख्य देखिएको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।