दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । एबी इन्टरनेसनलले निर्माण गर्न लागेको नयाँ फिल्म ‘लण्डन टु पेरिस’मा साम्राज्ञी राज्यलक्ष्मी शाह अनुबन्धित भएकी छन् । जेठदेखि बेलायत र फ्रान्समा छायांकन हुने यो ट्राभल लभस्टोरी फिल्ममा साम्राज्ञीले एक महत्वाकांक्षी युवतीको चरित्रमा अभिनय गर्दैछिन् ।
‘अग्निदहन’बाट राष्ट्रिय फिल्म अवार्ड जितेका घनश्याम लामिछानेले फिल्मलाई निर्देशन गर्दैछन् । लामिछाने निर्देशित ‘धौली’ र ‘पञ्चेबाजा’ समीक्षकले रुचाएका फिल्म हुन् ।
फिल्मबारे निर्देशक लामिछानेले भने, ‘यो एउटा यात्रामा आधारित प्रेमकथाको फिल्म हो । महात्वाकाङ्क्षी युवती प्रेममा परेपछि उसको जीवनमा आउने उतारचढाव कथावस्तु हो ।’ लामिछानेले फिल्मलाई नयाँपुस्ताको प्रेमकथा पनि भएको बताए । प्रदीप भारद्वाजले पटकथा लेखेका हुन् ।
एबी इन्टरनेसनलले विदेशमा एकसाथ दुई फिल्मको सुटिङ गर्दैछ । जसमध्ये अनमोल केसी र सारा श्रीपाइलीको ‘हनीबनी’ पनि छ, जसलाई दिवाकर भट्टराईले निर्देशन गर्दैछन् ।
आगामी असारभित्र ‘हनीबनी’को छायांकन सम्पन्न गर्ने लक्ष्य रहेको निर्देशक भट्टराईले जानकारी दिए । हनीबनी फिल्म छायांकन सकिएपछि मात्र ‘लण्डन टु पेरिस’ छायांकन सुरु गर्ने तयारी छ ।
एबी इन्टरनेसनलले बनाएको ‘सम्हालिन्छ कहिले मन’ प्रदर्शनको पर्खाइमा छ । पूजा शर्मा र आकाश श्रेष्ठको मुख्य भूमिका रहेको यो फिल्मलाई सुदर्शन थापाले निर्देशन गरेका हुन् ।
यो समूहले नेपालमा विदेशी फिल्म वितरणको काम पनि गरिरहेको छ । अक्षयकुमार स्टारर फिल्म ‘बच्चन पाण्डे’को वितरण यही समूहले गरेको थियो ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।