विराटनगर । विराटनगरमा १० दिनसम्म चलेको विराट ट्रेड एक्स्पो सम्पन्न भएको छ । समापन कार्यक्रममा बोल्दै विराटनगरका उद्योगी व्यवसायीहरूले प्रर्दशनी स्थलको अभावमा साना तथा मझौला व्यवसायीहरूलाई समस्या भएको बताएका छन् ।

प्रर्दशनी स्थलका लागि जग्गा समेत उपलब्ध भएको अवस्थामा विभिन्न व्यक्तिहरूको स्वास्र्थका कारण प्रर्दशनी स्थल बन्न नसकेको मोरङ व्यापार संघका अध्यक्ष नवीन रिजालले बताए ।

काठमाडौँ पछिको दोस्रो तहको विराटनगरलाई छैटौँ नम्बरमा र्पुयाएको भन्दै उनले भने, ‘राजनीति दल र ब्युरोक्रेसी नै विराटनगरलाई छैटौँ स्थानमा पु¥याएको हो ।’

‘चुनावका मुखमा हामी चुप लागेर बस्दैनौँ’, रिजाले भने, ‘३० वर्षदेखिको अवस्थामा उस्तै हुनुको कारण के हो, यसको दोषी को हो हामीलाई जवाफ चाहिन्छ ।’
आर्थिक तरललताको मारमा व्यवसायी परेको गुनासो गर्दै उनले तरलता अभाव, एलसी खोल्न नपाएकोले व्यवसायी मारमा परेको बताए ।

उद्योग परिसंघ प्रदेश १ का अध्यक्ष भीम घिमिरेले प्रदर्शनी स्थल बनाउनको लागि यसअघि भएका समझदारीमा बन्ने भनिएको काम पनि सुरु हुन नसकेको गुनासो गरे ।

गत चैत १८ गतेबाट सुरु भएको एक्स्पो १० दिनसम्म चलेको छ । एक्स्पोको करिब २ लाख ५० हजार मानिसले अवलोकन गरेका छन् ।