दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर ÷ विराटनगर महानगरपालिकाको आयोजनामा बुधबारदेखि तीनदिने लेखा व्यवस्थापन तालिम सुरु भएको छ । विराटनगरमा सञ्चालित सहकारी संस्थाहरुमा कार्यरत लेखा व्यवस्थापकहरुको क्षमता विकासका लागि तालिम सञ्चालन गरिएको हो ।
तालिमको विराटनगर महानगरपालिकाका मेयर नागेश कोइरालाले उद्घाटन गरेका थिए । उद्घाटन समारोहलाई सम्बोधन गर्दै मेयर कोइरालाले तीनदिने तालिम उपलब्धिमूलक हुने विश्वास व्यक्त गरे । उनले केही सहकारीका कारण जनविश्वास घट्दै गएको समेत बताएका थिए ।
कार्यक्रममा महानगरका प्रमुख प्रशासकीय अधिकृत राजेन्द्र पराजुली, सामाजिक विकास समितिका संयोजक श्याम घिमिरे, जिल्ला सहकारी संघ मोरङका कोषाध्यक्ष अमृतबहादुर गुरुङ, राष्ट्रिय सहकारी बैंक लिमिटेड विराटनगर शाखाका शाखा प्रबन्धक प्रभु पोखरेल, महानगरको आर्थिक विकास महाशाखा प्रमुख दीपक पौडेललगायतले केही सहकारीका कारण समग्र सहकारीको नै बद्नाम भएको बताएका थिए । विराटनगरमा १९३ वटा सहकारी संस्था सञ्चालनमा रहेका छन् । १९ वटै वडामा सञ्चालित सहकारीका ३५ जना कर्मचारीहरु तालिममा सहभागी भएको महानगरको सहकारी शाखाकी रोजी कार्कीले जानकारी दिइन ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।