दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
काठमाडौं । नेपाली कम्युनिष्ट पार्टी नेकपाले प्रतिनिधिसभामा प्रधानमन्त्री वालेन्द्र शाहले नेपाल–भारत सीमा विवादबारे दिएको अभिव्यक्तिप्रति गम्भीर असहमति जनाएको छ।
पार्टीका प्रवक्ता प्रकाश ज्वालाद्वारा जारी विज्ञप्तिमा प्रधानमन्त्रीको भनाइलाई गैरजिम्मेवारपूर्ण, राष्ट्रिय सार्वभौमसत्ता तथा भौगोलिक अखण्डताको भावना विपरीत रहेको उल्लेख गरिएको छ। नेकपाले उक्त अभिव्यक्तिको निन्दा गर्दै त्यसलाई तत्काल सच्याउन आग्रह गरेको छ।
विज्ञप्तिमा अन्तर्राष्ट्रिय सीमा अतिक्रमण र सीमावर्ती क्षेत्रमा देखिने जग्गा भोगचलनका विषय फरक–फरक भएको उल्लेख गर्दै कालापानी, लिपुलेक र लिम्पियाधुरामा भारतले गरेको अतिक्रमणलाई नेपालले भारतको भूमि कब्जा गरेको जस्तो रूपमा प्रस्तुत गर्न नमिल्ने बताइएको छ।
नेकपाले सुगौली सन्धि तथा स्थापित सीमा स्तम्भका आधारमा निर्धारण गरिएको सीमारेखाका कारण दुवै देशका नागरिकको सम्पत्ति वा खेतीयोग्य जमिन सीमापार पर्न सक्ने भए पनि त्यसलाई भूमि कब्जाको रूपमा व्याख्या गर्न नसकिने स्पष्ट पारेको छ।
पार्टीले लिम्पियाधुरा, लिपुलेक र कालापानी नेपालकै अभिन्न भूभाग भएको आफ्नो अडान पुनः दोहोर्याउँदै सीमा विवाद समाधानका लागि तथ्य र प्रमाणका आधारमा कूटनीतिक पहल आवश्यक रहेको जनाएको छ।
साथै, नेकपाले प्रधानमन्त्रीको विवादास्पद अभिव्यक्ति संसद्को अभिलेखबाट हटाउन, राष्ट्रिय हितका विषयमा साझा धारणा निर्माण गर्न तथा भारतसँग प्रभावकारी कूटनीतिक संवाद अघि बढाउन सरकारसँग माग गरेको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।