दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर, २२ असार । नाइजेरियामा १ सय ४० जना विद्यार्थी अपहरणमा परेका छन् । उत्तर पश्चिमी क्षेत्रस्थित कदुना शहरको एक विद्यालयबाट सशस्त्र समुहले १ सय ४० जना विद्यार्थीलाई अपहरण गरेको हो ।
मोटरसाइकल र गाडीसहित ठूलो समुहमा आएका बन्दूकधारीहरूले विद्यालयका बालबालिकालाई जबरजस्ती जंगलतर्फ लगेको प्रत्यक्षदर्शीलाई उद्धृत गर्दै बीबीसीले जनाएको छ । उक्त क्रममा एक शिक्षिका सहित २६ जना भाग्न सफल भएको स्थानीय प्रहरी अधिकारीले बताएका छन् ।
यसअघि गत आइतबार जरियास्थित सशस्त्र समुहले त्यहाँस्थित राष्ट्रिय क्षेयरोग केन्द्रबाट १२ महिने एक बच्चा र दुई नर्ससहित अन्य ८ जनालाई अपहरण गरेको थियो ।
नाइजेरियामा सशस्त्र समूहले फिरौतीको मागसहित पटक–पटक सर्वसाधारणको अपहरण गर्ने गरेका छन् जसको शिकार अधिकांश समय विद्यार्थीहरु हुने गरेका छन् । गत डिसेम्बर यता मात्रै नाइजेरियामा एक हजार भन्दा बढी विद्यार्थीको अपहरण भइसकेको छ । अपहरणमा परेका मध्ये दुई सय भन्दा बढी अझै बेपत्ता छन् भने ९ जनाको ज्यान गएको बीबीसीले उल्लेख गरेको छ । एजेन्सी
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।