दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । प्रदेश सरकारहरूको सत्ता सहकार्यमा नेकपा एमाले र नेपाली कांग्रेसबीचको देखिएको दरारको प्रत्यक्ष असर कोशी प्रदेश सरकारमा पनि पर्ने संकेत देखिएको छ।
नेपाली कांग्रेसले एमाले नेतृत्वका प्रदेश सरकारबाट आफ्ना मन्त्रीहरूलाई फिर्ता बोलाउने तयारी गरेसँगै कोशी प्रदेश सरकार पनि राजनीतिक रूपमा नयाँ मोडमा पुगेको छ।
कोशी प्रदेश कांग्रेसले सरकारमा आफ्नो सहभागिताबारे निर्णय गर्न आज संसदीय दल र पार्टी नेतृत्वको बैठक बोलाएको छ।
बैठकले सरकारबाट मन्त्रीहरूलाई फिर्ता बोलाउने औपचारिक निर्णय गर्ने स्रोतले जनाएको छ। निर्णय भएलगत्तै कांग्रेसका मन्त्रीहरूले मुख्यमन्त्री हिक्मतकुमार कार्कीसमक्ष राजीनामा बुझाउने तयारी गरेका छन्।
केन्द्रमा विकसित पछिल्लो राजनीतिक घटनाक्रमपछि नेपाली कांग्रेसले एमालेसँगको सहकार्यलाई निरन्तरता दिन नसकिने निष्कर्ष निकालेको छ।
कांग्रेस महामन्त्री गुरुराज घिमिरेले सुदूरपश्चिममा उत्पन्न राजनीतिक परिस्थितिपछि एमाले नेतृत्वका प्रदेश सरकारबाट कांग्रेस बाहिरिने प्रक्रिया सुरु भएको र क्रमशः सबै प्रदेशमा यही निर्णय कार्यान्वयन हुने बताएका छन्।
यसको प्रभाव कोशी प्रदेशमा पनि देखिएको हो। कांग्रेसभित्र संस्थापन र संस्थापनइतर समूहबीच विभिन्न विषयमा मतभेद रहे पनि सरकारबाट बाहिरिने विषयमा भने दुवै पक्ष एकमत रहेको नेताहरू बताउँछन्।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।