विराटनगर । विराटनगर- १० मा अवस्थित मार्टर्स मेमोरियल प्लसटुले एक कार्यक्रमका विच अतिरिक्त क्रियाकलाप अन्तर्गतका विभिन्न क्लवहरु गठन गरेको छ । मार्टर्स मेमोरियलले पढाईसंंगै विद्यार्थीहरु भित्र रहेका प्रतिभाहरुलाई उजागर गर्न तथा विद्यार्थीहरुको व्यतित्व विकास गर्नका लागि विभन्न क्क्लवहरुको गठन गरेको हो ।

मार्टर्सले विराटनगरको महेन्द्र होटलमा एक कार्यक्र्मको आयोजना गरी साहित्य, मोडलिङ, खेलकुद, एआई रोबोटिक्स, भलिवल अभिनय, फोटोग्राफि लगायतका क्लवहरुको गठन गरेको हो । नव गठित अध्यक्ष तथा संयोजकहरुलाई अध्यक्ष विष्णु डङ्गोल र प्रिन्सिपल सिएम श्रेष्ठले संयुक्त रुपमा खादा लगाईदिएर शुभकामना व्यक्त गरेका थिए ।

स्थापनाको पहिलोे बर्षमै ७ सय ५० भन्दा बढि विद्यार्थीहरु भर्ना गरि गुणस्तरिय शिक्षा प्रदान गरिरहेको मार्टसले साहित्य रंंगमचं, खेलकुद लगायत अन्य क्षेत्रमा समेत दक्ष जनशक्ति उत्पादन गर्ने उदेश्यले विभिन्न क्लवहरुकोे गठन गरिएको मार्टर्सले जनाएको छ ।

कार्यक्रममा क्लवका पदाधिकारीहरुलाई शुभकामना व्यक्त गर्दै प्रिन्सिपल श्रेष्ठले एक बर्ष भित्रमा मार्टर्सले देशभरीका विभिन्न प्रतियोगिताहरुमा भागलिई उत्कृष्टता प्रर्दशन गर्नेमा आफु ढुक्क भएको बताएका थिए ।

कार्यक्रममा प्लसटु निर्देशक अर्जुन श्रेष्ठले सहपाठ्य तथा अतिरिक्त क्रियाकलापको महत्वबारे विद्यार्थीलाई उत्प्रेरणामूलक प्रस्तुति दिएका थिए । कार्यक्रममा विद्यार्थीले पनि क्लबमार्फत आफ्ना क्षमता अभिवृद्धि गर्ने अपेक्षा व्यक्त गर्दै आ–आफ्ना धारणा राखेका थिए ।

कार्यक्रममा मार्टर्सका संंचालकहरु इन्द्र राई, नगेन्द्र प्रसाद ढकाल, नन्दलाल मण्डल, हिरा थापा लगायत विभिन्न क्लवमा अवध्द विद्यार्थीहरुको सहभागिता रहेको थियो ।