दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
मोरङ : मोरङको बेलबारीमा निगुरो टिप्न जंगल जाउँ भनेर बालिकालाई बलात्कार गरेको घटना बाहिरिएको छ । जिल्ला प्रहरी कार्यालय मोरङका प्रवक्ता डीएसपी दीपक श्रेष्ठका अनुसार बालिकालाई निगुरो टिप्ने बहानामा बालिकालाई स्थानीय जंगलमा लगेर बलात्कार गरेको घटना बाहिरिएको हो । बेलबारी नगरपालिका ८ का २१ वर्षीय सन्तोष नेपालीले १४ वर्षीया बालिकालाई बलात्कार गरेको घटना बाहिरिएको डीएसपी श्रेष्ठले बताए । । पथरीशनिश्चरे नगरपालिका घर भएकी बालिकालाई निगुरो टिप्न जाउँ भन्दै फकाएर जङ्गलमा पुर्याएपछि बलात्कार गरेको प्रहरीको प्रारम्भिक अनुसन्धानबाट खुलेको हो ।
प्रहरीका अनुसार बेलबारीस्थित दिदीको घर आएको समयमा बालिकालाई सोमबार जंगलमा लगेर बलात्कार गरेको खुलेको छ । डीएसपी श्रेष्ठले भने, ‘चिनजान भएपछि नजिकिएका नेपालीले निगुरो टिप्न जाउँ भन्दै फकाएर सामुदायिक वनभित्र लगेर बलात्कार गरेको खुलेको छ, प्रतिकार गर्दा शरीरमा चोट पनि लागेको पाइयो ।’
आफू असुरक्षित भएको भन्दै पीडित परिवार प्रहरीको शरणमा पुगेपछि बलात्कारको घटना बाहिरिएको हो । बलात्कार आरोपित नेपालीलाई इलाका प्रहरी कार्यालय बेलबारीले पक्राउ गरी म्याद थप गरेर अनुसन्धान सुरु गरेको जिल्ला प्रहरी कार्यालय मोरङले जनाएको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।