दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । आन्तरिक वायुसेवा कम्पनीहरूले अब ७० वर्षभन्दा बढी उमेर भएका ज्येष्ठ नागरिकलाई हवाई टिकटमा ५० प्रतिशत छुट दिने भएका छन्। यस सम्बन्धमा नेपाल नागरिक उड्डयन प्राधिकरण र वायुसेवा सञ्चालक संघबीच आइतबार सहमति भएको हो। प्राधिकरणका महानिर्देशक प्रदीप अधिकारीको अध्यक्षतामा संघका अध्यक्ष मनोज कार्की र वायुसेवा कम्पनीका प्रतिनिधिबीचको बैठकले यस्तो निर्णय गरेको हो।
प्राधिकरणका अनुसार उक्त छुट सबै आन्तरिक हवाई मार्गहरूमा लागू हुनेछ र यो छुट सरकारले तोकेको अधिकतम भाडा दरको आधारमा हुनेछ। ७५ वर्षभन्दा माथिका यात्रुले ७० प्रतिशत र ८० वर्षभन्दा माथिका यात्रुले ८० प्रतिशतसम्मको छुट पाउने व्यवस्था गरिएको छ।
साथै, जुनसुकै उमेर समूहका फरक क्षमता भएका हवाई यात्रुलाई पनि न्यूनतम ५० प्रतिशत छुट दिइनेछ। यो निर्णय आइतबारदेखि नै कार्यान्वयनमा ल्याइएको छ र प्राधिकरणले सबै वायुसेवा कम्पनीहरूलाई सोबारे आवश्यक निर्देशन दिइसकेको छ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।