विराटनगर । कार्तिक १४ गते (हिजो) बेलकाकी उपमेयर जिरा राईले आफन्तलाई नगरको गाडी बोक्न पठाईन भन्ने चर्चा सामाजिक सञ्जलामा निकै चल्यो ।

कतिपयले उमेयरलाई गाली समेत गरेका छन्, भने कतिपयले सामाजिक सञ्जालमा आएको जस्तो नभएको पनि हुन सक्ने भन्दै उमेयरको बचाउमा लेखेका छन् ।

तर, पक्राउ गर्ने युवाहरुका अनुसार उपमेयरले पटक–पटक आफन्त बोक्न पठाएको बताउँछन् । हिजो पक्राउ गर्नु भन्दा अगाडि पनि उपमेयरको गाडी त्यसरी आफन्त बोक्न जाने गरेको स्थानीय समिर राई बताउँछन् ।
‘त्यो भन्दा अगाडि पनि उपमेयरको गाडी आएको थियो’, समिरले राष्ट्रिय डेलीसँग भने, ‘हामीले उपमेयरको गाडीले आफन्त बोक्छ भन्ने सुनेको भएर नै पर्खेर भएपनि हामीले गाडी रोकेको हो ।’

त्याहाँका स्थानीय युवाले गाडीको चाबी खोसेर राखेका थिए । चाबी खोसेको केहीबेर पछि गाडिको चाबी छाडिदिएको समिरले बताए ।

उपमेयर राईले भने सामाजिक सञ्जालमा आएको जस्तो नभएको दावी गरेकी छिन् । प्रहरीलाई सहयोग गर्ने क्रममा आफुलाई विनासिति गलत प्रचार गरिएको उपमेयरको भनाई छ । मृत लास भेटिएको र त्यो लास ल्याउन प्रहरीले सहयोग मागेकाले आफुलेले गाडी पठाएको बताएकि छिन् ।

‘प्रहरीको गस्तीले लास भेटेकाले त्यो ल्याउन मलाई सहयोग गदिदिनु भन्नु भयो, मैले त्यही अनुसार गाडि पठाएको थिए’, उपमेयर राईले भनिन्, ‘मेरो गाडि पुग्दा प्रहरी त्यहाँबाट हिडिसकेको थियो, खाली गाडी आउँदै गर्दा त्याहाँ मान्छेहरु पनि चडाएर ल्याएको हो ।’

सत्य तथ्य नबुझि त्यसलाई अतिरञ्जित बनाउन मात्र खोजिएको उपमेयर राईको भनाई छ । ‘सत्य कुरा केही नबुझि सामाजिक सञ्जालमा हल्ला गरियो ।’ उनले भनिन् ।

बेलका नगरपालिकाका प्रवक्ता पदम खड्का पनि उपमेयको कुरामा सहमत छन् । प्रहरीले नै सहयोग मागेर उपमेयरको गाडि गएको खड्काको भनाई छ ।

‘मयुनटारमा लास भेटिएको थियो, त्यो ल्याउन प्रहरीले उपमेयर ज्युलाई सहयोग माग्नु भएछ, अनि उहाँले गाडी पठाउनु भएको हो’, खड्काले राष्ट्रिय डेलीसँग भने, ‘अन्य थप जानकारी उमेयर ज्युसँगै गर्नु ।’