विराटनगर । मंसिर १६ गते हुने स्थानिय तहको निर्वाचनका लागी मोरङको ग्रामथान गाउँपालीकामा बिभिन्न राजनितिक दलहरुले मनोनय दर्ता गरेका छन् । नेपाली काँग्रेसको तर्फबाट बलराम सरदार थारु, नेकपा एमालेको तर्फबाट तुलसीराम विश्वास, माओबादि केन्द्रको तर्पmबाट नमो नारायण माझी , राप्रपाका तर्फबाट दिनेश कुमार थन्दार, राष्ट्यि स्वतन्त्र पार्टीको तर्फबाट नवीन कुमार विश्वास खवास , जनमत पार्टिका तर्फबाट विनोद माझी, नेपाल समाजबादिको तर्फबाट रामकुमार चौधरी, स्वतन्त्र उम्मेदवार नेम नारायण माझी लगायतका दलहरुका उम्मेदवारहरुले उम्मेदवारी दर्ता गराई सकेका छन् ।

बिहान १० बजेदेखी देखि अपराह्न ५ बजेसम्म सम्बन्धित स्थानीय तहमा स्थापना भएका निर्वाचन अधिकृतको कार्यालयमा उम्मेदवारको मनोनयन दर्ता हुने निर्वाचन आयोगले जानकारी दिएको छ ।

उम्मेदवारी दर्तापछि आजनै उम्मेदवारहरुकोको सूची प्रकाशन हुनेछ । उपनिर्वाचनका लागि शुक्रबार नै सबै स्थानीय तहहरुमा निर्वाचन अधिकृतका कार्यालयहरु स्थापना भइसकेको थियो ।

उम्मेदवारी दर्ताभएपछि मंसिर २ गते बिहान १० बजेदेखि अपरान्ह ३ बजेसम्म उम्मेदवारमाथिको दाबी विरोधमा उजुरी दिने कार्यसूचि रहेको छ । उजुरीमाथि जाँचबुझ एवं निर्णय गरी मङ्सिर ४ गते साँझ ५ देखि ६ बजेसम्म उम्मेदवारको नामावली प्रकाशन हुनेछ । मङ्सिर ५ गते बिहान ९ देखि अपराह्न १ बजेसम्म उम्मेदवारले नाम फिर्ता लिन सक्ने छन् । सोही दिन दिउँसो १ देखि ३ बजेसम्म अन्तिम नामावली प्रकाशन गरी दिउँसो ३ देखि ५ बजेसम्म उम्मेदवारलाई निर्वाचन चिह्न प्रदान गरिने छ । मङ्सिर १६ गते बिहान ७ देखि अपराह्न ५ बजेसम्म मतदान हुनेछ ।

मोरङ ग्रामथान गाउँपालीका का अध्यक्ष जयप्रकाश गच्छादारको निधन पछि अध्यक्ष पद रिक्त रहेको थियो ।