विराटनगर । नेपाल राष्ट्र बैंकले आज मंगलबारका लागि विदेशी मुद्राको नयाँ विनिमयदर सार्वजनिक गरेको छ । केन्द्रीय बैंकका अनुसार अमेरिकी डलरसहित अधिकांश अन्तर्राष्ट्रिय मुद्राको मूल्यमा सानो उतार–चढाव देखिएको छ ।

राष्ट्र बैंकले निर्धारण गरेको विनिमयदर अनुसार आज एक अमेरिकी डलरको खरिददर १४१ रुपैयाँ ७५ पैसा र बिक्रीदर १४२ रुपैयाँ ३५ पैसा तोकिएको छ । युरोपेली युरोको खरिददर १६३ रुपैयाँ २५ पैसा र बिक्रीदर १६३ रुपैयाँ ९४ पैसा रहेको छ भने बेलायती पाउन्ड स्ट्रलिङको खरिददर १८६ रुपैयाँ १९ पैसा र बिक्रीदर १८६ रुपैयाँ ९८ पैसा कायम गरिएको छ ।

स्वीस फ्रयांक एकको खरिददर १७५ रुपैयाँ ६३ पैसा र बिक्रीदर १७६ रुपैयाँ ३७ पैसा तोकिएको छ । अस्ट्रेलियन डलर ९२ रुपैयाँ ८४ पैसा र क्यानेडियन डलर १०० रुपैयाँ ९४ पैसामा खरिद हुनेछन् । सिंगापुर डलरको खरिददर १०८ रुपैयाँ ७५ पैसा र बिक्रीदर १०९ रुपैयाँ २१ पैसा तोकिएको छ ।

एशियाली मुद्रामध्ये जापानी येन १० येन बराबरको खरिददर नौ रुपैयाँ २० पैसा र बिक्रीदर नौ रुपैयाँ २४ पैसा रहेको छ । चिनियाँ युआन एकको खरिददर १९ रुपैयाँ ९० पैसा र बिक्रीदर १९ रुपैयाँ ९९ पैसा कायम गरिएको छ ।

त्यसैगरी, साउदी रियाल ३७ रुपैयाँ ७९ पैसा र कतारी रियाल ३८ रुपैयाँ ८९ पैसामा खरिद गर्न सकिनेछ । यूएई दिराम ३८ रुपैयाँ ५९ पैसा, थाइ भाट चार रुपैयाँ ३६ पैसा र मलेसियन रिंगेट ३३ रुपैयाँ ७५ पैसा तोकिएको छ ।

उच्च मूल्यका मुद्रामध्ये कुवेती दिनारको दर आज पनि उच्च स्तरमा रहँदै एक दिनारको खरिददर ४६१ रुपैयाँ ५६ पैसा र बिक्रीदर ४६३ रुपैयाँ ५१ पैसा पुगेको छ । बहराइन दिनारको दर ३७५ रुपैयाँ ९९ पैसा र ओमानी रियालको खरिददर ३६८ रुपैयाँ १६ पैसा रहेको छ ।