दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । अन्तर्राष्ट्रिय बजारमा कोइलाको अभाव भएसँगै मूल्य बढेपछि घरेलु बजारमा इँटाको मूल्य बढ्ने देखिएको छ । अहिले इँटा व्यवसायीले पुरानो कोइलाबाट उत्पादित इँटा बिक्री गरिरहेका छन् ।
पुरानो इँटामै ५ देखि १० प्रतिशतसम्म मूल्य बढिसकेको नेपाल इँटा उद्योग महासंघका अध्यक्ष महेन्द्र बहादुर चित्रकारले जानकारी दिए। अब बजारमा आउने नयाँ इँटाको मूल्य अझै १५ देखीइ २० प्रतिशतसम्म बढ्न सक्ने उनको भनाइ छ ।
अहिले काठमाडौं उपत्यकामा एक नम्बर इँटा प्रतिगोटा १६ देखी १७ रुपैयाँ र दुई नम्बर इँटाको मूल्य प्रतिगोटा १५ देखी १६ रुपैयाँ रहेको अध्यक्ष चित्रकारले बताए । इँटाको ब्रान्ड, गुणस्तर र ठाउँ अनुसार मूल्य पनि फरक फरक हुने उनको भनाई छ ।
‘अहिले इँटा पोल्ने फायरिङको समय हो, तर कोइला नपाउँदा इँटा भट्टीमा फायरिङ गर्न पाइरहेका छैनौं’ उनले भने, ‘एकातिर कोइलाको अभाव छ, अर्कोतिर कोइलाको मूल्य पनि बढिसकेको छ ।’ कोइलाको मूल्य बढेको हुँदा नयाँ उत्पादन हुने इँटाको मूल्य पनि स्वभाविक रुपमा बढ्ने उनको तर्क छ ।
नयाँ इँटा बजारमा आउँदा मूल्य पनि घट्नुपर्ने थियो । तर, इँटा उत्पादनकै सिजनमा मूल्य बढ्ने आंकलन उद्योगीहरुले गरेका छन् । यसले हिउँदमा घर बनाउँछु भनेर पर्खिएर बसेका ग्राहकलाई केही लागत बढ्ने देखिन्छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।