विराटनगर । कोशी प्रदेशका पूर्वमुख्यमन्त्री केदार कार्की नेपाली कांग्रेसका तर्फबाट निर्वाचित प्रदेशसभा सदस्य हुन् । उनी खरो स्वभावका नेता मानिन्छन् । उनी डा। शेखर कोइराला समूहमा पहिल्यैदेखि खुलेर लागेका छन् ।

मुख्यमन्त्री भएका बेला आफू ‘ब्याक बेञ्चर विद्यार्थी’ भएको बताएर चर्चामा आएका उनी यतिबेला गगन थापाविरुद्ध सार्वजनिक अभिव्यक्ति दिएर थप चर्चामा आएका छन् ।

मंसिर १८ गते शेखर समूहको पहलमा बिराटनगरमा आयोजित पालिका सभापतिहरुको भेलामा बोल्ने क्रममा कांग्रेस नेता कार्कीले महासचिव गगन थापाको नाम नलिई कांग्रेसको विधान पढ्न सुझाव दिए । उनले ‘हिसाब गर्न आउँदैन भने विधानसँगै क्याल्कुलेटर समेत पठाइदिने’ भन्दै महामन्त्रीलाई चुनौती नै दिए ।

आखिर पूर्वमुख्यमन्त्री कार्की किन महामन्त्री थापाविरुद्ध खनिएका होलान् रु अहिले शेखर कोइराला र गगन थापावीचको सम्बन्ध कस्तो छ रु आगामी महाधिवेशनमा शेखरविरुद्ध गगन थापा पार्टी सभापतिमा चुनाव लडे भने के होला रु

पालिका भेलाको दुई दिनपछि संस्थापन पक्षले बिराटनगरमै आयोजना गरेको कोशी प्रदेशको सम्मेलन शेखर कोइरालाले किन बहिस्कार गरे रु अनि, अहिले केपी शर्मा ओलीको नेतृत्वमा चलिरहेको संयुक्त सरकारलाई किन उनले मुक्तकण्ठले प्रशंसा र बचाऊ गरिरहेका छैनन् रु

यिनै सामयिक प्रश्नहरुको सेरोफेरोमा कांग्रेसका प्रदेश सांसद कार्कीसँग खबरहबले गरेको संक्षिप्त कुराकानी यहाँ प्रस्तुत गरिएको छ–

कांग्रेसभित्र तपाई शेखर गुटको नेताका रुपमा चिनिनुहुन्छ, यो गुटमा किन लाग्नुभएको रु

हामी शेखर समूहमा लागेको मात्र हैन, हामी कृष्णप्रसाद कोइरालाको इतिहाससमेत पढेर, सुनेर, जानेर कांग्रेसमा लागेको हो । त्यसकारण शेखर समूह र नेता भन्ने कुरा नै भएन । बीपी कोइराला नै कांग्रेसमा विद्रोही हुनुहुन्थ्यो । नेपाली कांग्रेस नै एउटा विद्रोहको पर्यायवाची हो ।

जसले सत्ता छोडेर, सत्ताको मोह त्यागेर जेल बस्न तयार भयो, त्यो पार्टीको कार्यकर्ता र बीपीको इतिहास पढेको मान्छेले पार्टीभित्र या अन्य ठाउँमा सही कुरा गर्दा विद्रोही भन्छन्, सपोर्टर भन्छन् या अन्य कुरा भन्छन् भने त्यसले के फरक पर्छ र रु म स्वीकार गर्न तयार छु । कांग्रेस नै विद्रोहको पर्यायवाची हो ।