दोहोरो अकंले बढ्यो शेयर बजार
काठमाडौं। बिहीवार शेयर बजार दोहोरो अंकले बढेको छ । शेयर बजार १४.१७ अंकले बढेर २७२६.७२ बिन्दुमा कायम भएको छ । शेयर बजारमा १५३ कम्पनीको शेयर मूल्य बढेको छ भने १११ कम्पनीको शेयर मूल्य घटेको...
विराटनगर । आसन्न नेपाली कांग्रेसको १५ औं महाधिवेशनमार्फत डा. शेखर कोइरालालाई सभापति बनाउन कोइराला परिवार एकैठाउँ उभिएका छन् ।
१४ औं महाधिवेशनमा छिन्नभिन्न भएका कोइराला परिवार यस पटक भने एकैठाउँ उभिने निश्चित भएको छ । शेखरलाई सभापति बनाउने विषयमा डा. शेखर, डा. शशांक र सुजाताबीच आन्तरिक सहमति भइसकेको स्रोतले बताएको छ ।
यसअघि नै पूर्वउपप्रधानमन्त्री तथा कांग्रेस नेतृ सुजाता कोइरालाले डा. शेखरलाई सभापति बनाउन आफूले सहयोग गर्ने घोषणा गरिसकेकी छन् । शेखरको पक्षमा सुजाताले सार्वजनिक स्थलमा समेत खुलेर बोल्ने गरेकी छन् । उनी शेखरको सचिवालयमा समेत पुगेर नेता तथा कार्यकर्ताहरूसँग भेटघाट गर्ने गरेको शेखर निकट एक नेताले बताए ।
पूर्वमहामन्त्री डा. शशांक कोइरालाले पनि शेखरलाई नै सभापति बनाउन सहयोग गर्ने आन्तरिक सहमति भएको स्रोतको दाबी छ । ‘यसपटक जसरी पनि शेखर दाइलाई सभापति बनाउने पक्षमा शशांक दाइ र सुजाता दिदीसमेत सहमत हुनुभएको छ,’ शेखरनिकट एक केन्द्रीय सदस्यले ब्रेकिङ नेपाल न्यूजलाई भने, ‘आउँदो महाधिवेशनमा कोइराला परिवारबाट शेखर दाइ नै सर्वसम्मत सभापतिको उम्मेदवार बन्नुहुनेछ ।’
शेखरलाई सभापति बनाउने संकेत डा. शशांकले दिइसकेका छन् । मंगलबार चितवनका सञ्चारकर्मीहरूसँगको कुराकानीमा शशांकले दाजु शेखर कोइरालासँग परामर्श जारी रहेको बताउँदै भने ‘दुईजनामध्ये एकजना मात्र सभापतिका उम्मेदवार बन्नेछौं । विगतको जस्तो यसपटक हुँदैन । जो सभापति भए पनि हामी एकठाउँमा हुनेछौं ।’
महाधिवेशन घोषणासँगै कांग्रेसलाई चलायमान बनाउन शेखर नै सभापति बन्नुपर्ने कार्यकर्तास्तरबाट समेत आवाज उठ्न सुरु भएको छ । कार्यकर्ताहरूले विभिन्न सामाजिक सञ्जालमार्फत शेखरलाई सभापति बनाउन अभियान सञ्चालन गरिरहेका छन् ।
१४ औं महाधिवेशनमा शशांकले शेरबहादुर देउवालाई सभापतिमा सघाएका थिए । सुजाता भने प्रकाशमान सिंहको समूहबाट उपसभापतिको उम्मेदवार बनेकी थिइन् । पहिलो चरणमा सभापतिमा देउवा, कोइराला र सिंहले प्रतिस्पर्धा गरेका थिए । पहिलो चरणको निर्वाचनबाट सिंह बाहिरिएपछि दोस्रो चरणमा देउवा र कोइरालाबीच सभापतिमा प्रतिस्पर्धा भएको थियो । त्यतिबेला प्रकाशमान र सुजाताले देउवालाई नै सहयोग गरेका थिए । १५ औं महाधिवेशनमा कति जना बीच सभापतिमा प्रतिस्पर्धा हुने भन्ने टुंगो लागिसकेको छैन ।
कांग्रेस केन्द्रीय कार्यसमितिले आगामी पुस २६ देखि २८ गतेमा १५ औं महाधिवेशन गर्ने निर्णय गरिसकेको छ । महाधिवेशन घोषणा भएसँगै पार्टीभित्र नयाँ ध्रवीकरण सुरु भएको छ । हाल कांग्रेसको क्रियाशील सदस्य संख्या झन्डै ८ लाख ७५ हजार छ । त्यत्तिकै नयाँ सदस्यता वितरण गर्ने निर्णयसमेत केन्द्रीय समितिले गरेको छ ।
राष्ट्रियडेली कोशी प्रदेशका सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।