सुनसरी । तीनदिनदेखीको अविरल वर्षाका कारणले हजारौ हेक्टर क्षेत्रफलको धानबालीमा क्षती भएको छ । लगातार परेको वर्षाका कारण आएको बाढी र डुबानका कारण २० हजार बढी हेक्टर जमिनको कृषि बालीमा क्षति पुगेको र यसले करोर्डौं रुपियाँको नोक्सानी हुनसक्ने प्रारम्भिक अनुमान कृषि ज्ञान केन्द्र सुनसरीले गरेको छ । पानी अझै नसुकेकोले क्षतिको परिणाम यकिन गर्नमा समस्या भएको बताइएको छ । ज्ञान केन्द्रका सूचना अधिकारी योगेन्द्र प्रसाद यादवले क्षतिको विवरण यकीन नभएपनि जिल्लामा मुख्य रुपमा धानबाली, माछापालन र लहरे तरकारी बालीमा गरी अर्बौं रुपिँया भन्दा बढीको क्षति हुन सक्ने प्रारम्भिक अनुमान रहेको जनकारी दिनुभयो । यादवका अनुसार नेपालको अन्न भण्डारको रुपमा परिचित धान खेतीमा नै सबै भन्दा बढी क्षती भएको जानकारी दिनुभयो ।
सुनसरीमा धरानदेखी बर्जुसम्म सबै स्थानमा करोडौको क्षति भएको प्रारम्भिक अनुमान छ ।
उहाँका अनुसार ५३ हजार पाँच सय हेक्टरमा धानबाली लगाएकोमा २० हजार हेक्टर बढीमा बाढी र डुवानले धानबाली डुबेको छ भने बाकीमा कम क्षती भएको कम डुबेका छन् । यसैगरी नगदे बालीको रुपमा रहेको लहरे तरकारीहरु , केरा, उखु, काउली सहितका तीन हजार हेक्टरभन्दा बढी क्षेत्र डुबानमा परी नष्ट भएको छ ।
बाढी, पहिरो र ढुबानले जिल्लाको धरान, इटहरी, रामधुनी, इनरुवा, बराहक्षेत्र, कोशी, भोक्राहा नरसिंह, हरिनगर, देवनागञ्ज , वर्जु , गढी र दुहवी लगायतका क्षेत्रमा लगाएको धानबाली सहित तरकारी बाली ठूलो क्षती भएको किसान सियाराम यादवले जानकारी दिनुभयो ।
धेरै सिकानले भित्रियाउन लागेको धानमा पानी पसेर ढुबेको छ भने केही धान बगाएको र केही स्थानमा डुबानमा परेकाले किसान चिन्तित बनेका छन् । यहाँका पोखरीमा पालेको माछासमेत भेलले बगाउँदा किसानहरु चिन्तामा छन् ।
सुनसरीको इटहरी उपमहानगरपालिका, इनरुवा नगरपालिका, रामधुनी नगरपालिका, भोक्राह, हरिनगरा, गाउँपालिकामा किसानले लगाएको धानखेत बाढीले ढुबेको छ । यस्तै सुनसरीको बराह नगरपालिका, बर्जु र गढी गाउँपालिकामा समेत बाढीले धानबालीमा क्षती पुर्याएको छ ।
केरामा पनि क्षती
धानबाली पछि सुनसरीमा केरा खेतिमा क्षति पुगेको छ । सुनसरीका विभिन्न स्थानमा किसानले १ सय ३५ हेक्टरमा लगाएको केरा खेती बाढीका कारण नस्ट हुँदा २ करोड १५ लाख रुपियाँ बराबर क्षति भएको अनुमान गरिएको छ । कृषि ज्ञान केन्द्र कार्यालय सुनसरीका अनुसार सुनसरीको भोक्राह नरसिंह, कोसी गाउँपालिका र इनरुवा नगरपालिका ९ बबियामा बिशेष गरि केरा खेति हुने गरेको छ ।
तरकारीमा पनि क्षती
अबिरल वर्षाका कारण सुनसरीका किसानले लगाएको तरकारी बाली नस्ट भएको छ । सुनसरीका अधिकांश स्थानमा स्थानीय खोलाको बाढी पस्दा बर्खे तथा बेमौसमी तरकारी बाली नष्ट भएको छ । यहाँका ५ देखि १० प्रतिशत मात्रै तरकारी बाली बाँचेको सूचना अधिकारी योगेन्द्र प्रसाद यादवले जानकारी दिनुभयो । यसैगरि बाढीले किसानले पोखरीमा पालेको माछासमेत बगाएको छ । सुनसरीको इनरुवा, नगरपालिका, बराह नगरपालिका, रामधुनी नगरपालिका, ईटहरी उपमहानगरपालिका, धरान उपमहानगरपालिकापा, दुहबी नगरपालिका र ६ वटा गाउँपालिका गरि १० हजार ९ सात सय किसान बाढीबाट प्रभावित भएका छन् । सूनसरीमा बाढीका काराण धान खेत जलमग्न भएका छन् भने अझै ३ दिनसम्म डुवान रहने अनुमान गरिएको छ । त्यस्तै माछा पोखरी बाढीले भत्काएको र पुरेको छ ।