विराटनगर । विराटनगर–३ मा अवस्थित पोखरिया माध्यामिक विद्यालयले कक्षा ११ मा भर्ना भएका नयाँ विद्यार्थीहरूलाई अभिमुखिकरण कार्यक्रम गराएको छ । विराटनगरस्थित आफ्नै भवनमा एक कार्यक्रमको आयोजना गरी नयाँ भर्ना भएका ४ सय विद्यार्थीहरुलाई स्वागत गर्दै अभिमुखिकरण गराएको थियो ।

विद्यार्थीहरुलाई प्लसटु को अर्डिनेटर राम प्रसाद गुरागाँई , शिक्षक जेवीपी कोईराला, उत्तमकुमार श्रेष्ठ, रोषन लुईटेल लगायतले विद्यार्थीहरूलाई विद्यालयको नियम, कसरी अध्ययन गर्दा उत्कृष्ट नतिजा ल्याउन सकिन्छ, अनुशासन लगायतका विषयमा अभिमुखिकरणमा जानकारी गराएका थिए ।

भर्ना भएका विज्ञान , व्यवस्थापन र कम्प्युटर विज्ञान विषयका ४ सय विद्यार्थीहरुलाई स्वागत गर्दै अभिमुखिकरण गराएको विद्यालयका प्रिन्सिपल खेमराज भट्टराईले बताए । कार्यक्रममा बोल्दै प्रिन्सिपल भट्टराईले पोखरीया माविलाई देशकै उत्कृष्ट शैक्षिक सस्था बनाउन लागि परेको समेत बताएका थिए ।

विद्यालय व्यवस्थापन समितिका अध्यक्ष पुण्य प्रसाद भण्डारीको सभापतीत्वमा भएको कार्यक्रममा विभिन्न विषयका शिक्षकहरुले आफ्नो शुभकामना व्यक्त गरेका थिए । उत्कृष्ट विद्यालयका रुपमा आफुलाई चिनाउदै आईरहेको विद्यालयले विज्ञान, व्यवस्थापन र कम्प्युटर विज्ञानको पठन- पाठन गराउँदै आईरहेको छ ।

पोखरीया माविबाट हालसम्म उत्तिर्ण भएका मध्ये इन्जिनियरिङमा १ सयभन्दा बढी, मेडिकल क्षेत्रमा ७५, सिए, बिबिए र अन्य विभिन्न क्षेत्रमा पनि विद्यार्थीहरूले पुर्ण छात्रवृत्तिमा नाम निकाल्न सफल भएको विद्यालयले जनाएको छ ।